Ada kesalahan di dalam gadget ini

Sabtu, 02 Oktober 2010

asSalamua'laikum

dua blah beuleun geukheun sithon
sereutouh thon geukheun si abat
assalamua'laikum haba lon peuphon
panton lon susoeun keumandum sahabat

di bineh laot anoe dum di lee
di bineh pantee ureung poh cakara
meuheut lam lam dada sampoe lam hatee
rindu bukeun lee sawee syedara

di krung manee na simpang elak
jalan ka lagak sampoe u sawang
wahee syedara beuna ta galak
tajak meununtut bek tuwoe seumbahyang

ie krung sawang di lee meu re re
bah bineh glee meu lika lika
wahee syedara bek laloe le
beuna neu pikee keumatee teuka

tajak u banda ta piyoeuh di matang
tajak meukawan mandum syedara
bukon lee sayang, lon rakan tinggai seumbahyang
oh watee matee azeub bukon lee dalam neuraka

6 komentar:

  1. loen kenoe hadir teuka meusahoe...
    loen kaloen sigoe rakan meucuca....
    cukop menarek loen kaloen sigoe....
    blog panton lagee yg cukop mulia...

    adak na watee sabee loen piyoh...
    le that peunajoh panton jenaka...
    yg ulee saket ngen teungeh suntoek..
    kenoe nepiyoh ta poh2 cakra...

    walaikum salam rakan loen samboet..
    buluekat puloet laju ta hidang.....
    semoga blog nyoe jeut ke penawa....
    bagi geutanyoe hatee yang duka.....

    BalasHapus
  2. di bak unimal kamoe jak kuliah
    beda fakultas ramee syedara
    hate lon seunang ka troeuh neulangkah
    ta balah panton yang kaleuh lon peuna

    tajak u keudee tajak mita boh punyoh
    takalon beuroh bek salah raba
    wahee eu adun beu seureueng tapiyoh
    di bak blog panton aceh na syedara

    hate yang luka peu ubat sigra
    boh mandum keucewa bek na tinggai lee
    jak keunoe rakan mandum di gata
    ta suson haba, panton beulahee

    BalasHapus
  3. seugolom hameh geukheun rabu
    oh lheuh sabtu geukheun ahad
    lon sambot mameh saleum hai teungku
    saboh bungkoh bu neucok nyompat

    geukheun keubeu galak keumubang
    geukheun musang meujaga malam
    butoi teungku pu yg takarang
    teuwo seumbahyang gura leupahna

    kaleuh ta eu bak rata simpang
    inong ngon agam lale ubena
    han peu takira suai seumbahyang
    lalo peutimang piasan donya

    takalon inong jkasaboh macam
    uro ngon malam lalo ngon agam
    tanna ji pako larang agama
    nyo keu ulama cin tanna seugan

    aneuk lagenyan bak iku ta tran
    iyup bak mancang keungon muruwa
    neuyu hai ayahwa sidara seumbahyang
    bek singoh geutran dalam nuraka

    aneuk beurago di ateuh bak mamplam
    dicong bak mancang aneuk cempala
    kasep keuh ohno haba ngon rantam
    bak laen malam tasambong teuma

    BalasHapus
    Balasan
    1. ALham Dulillah seugala pujoe,
      keu tuhan sidro yg maha Esa
      seulaweut saleum tanyoe peu sampoe
      keu nabi tanyo Rasul Ambia

      hudeep lam doenya jaga hai adoe
      beek jeut meupaloe wahee syedara
      beuna ibadat beek sagai tuewee
      tajak pujoe poe tuhan yg Esa.

      tanyo hai rakan beklee lam laloe
      ta ingat keu poe bek sagai lupa
      nyo haan tapateuh ceulakja dudoe
      singeuh geupaso dalam nuraka.

      meumada dilee pantoun uloun nyo
      singeuh hai adoe loun sambong teuma
      meunyona salah peumeuah kamoe
      beek jeut meupalo oh akheemasa.

      Hapus
  4. Wa'alikomsalam rakan boh hate..
    Jroeh bukoen lee neu karang haba..
    'oh tee loen baca leupie lam hate..
    Wate neu ca e saboeh cerita..

    Ta pula jagoeng sideh dalam gle..
    Ta pula pade cit dlm paya..
    Haba neu surah panyang bukoen lee..
    Hingga rap sampee mumang d teuka..

    BalasHapus
  5. Meukrue seumangat, rahmat meususon.
    Allah yg himpon, keu makhluk dumna.
    Wa'alaikumsalam, wahe rakan lon.
    Keunoe ulon tron, jak balah haba.

    Bungong mawong, tangke hijoe on.
    Bungong som som, indah wareuna.
    Cukop meusaneut, haba neupeutron.
    Asoe lam panton, cukop meumakna.

    Neutuleh baet, sajak meu'ek tron.
    Ngon linggang linggong, hana lam rika.
    Meupat di duek, punca neupeureon.
    Memang meupanton, hayeu lagoina.

    Masalah shalat, haba neususon.
    Nyan hukom, wajeb takeurija.
    Limong boh watei, beuna aduen lon.
    Wajeb ateuh lon, dan bagi gata.

    Hana le panyang, haba lon sambong.
    Kaseb aduen lon, oeh noe meuhaba.
    Meunyoe na salah, meuah aduen lon.
    Lon kureung meuphom, bagian meurika.

    BalasHapus